منتديات الكرار

حياكم الله يا ..,زائر في منتديات الكرار
 
الرئيسيةمكتبة الصوربحـثالتسجيلدخولالتبرع للمنتدى

شاطر | 
 

 وعسى أن تكرهوا شيئاً و هو خيراً لكم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Rihana
عضو
عضو
avatar

انثى
العمر : 25
البلد : في نور محمد
نقاط : 30135
تاريخ التسجيل : 21/08/2009

مُساهمةموضوع: وعسى أن تكرهوا شيئاً و هو خيراً لكم   الخميس 12 نوفمبر - 23:07


بسم الله الرحمن الرحيم

اللهم صل على محمد وال محمد






يا جماعة الخير هذي قصة حقيقية
في وحده راحت للعمرة واهي تصلي بالحرم اللي بذيج المرة اللي تصلي وتبجي
تصلي وتبجي وتدعي وتبجي
المرأة استغربت منها وقالت أكيد لها سالفة وكان كل مابين فتره اييها ولد شاب يكلمها ويروح ويشوف شنو تبي
المرأة أخذها الفضول واجلست بجانبها وأسالتها ليش تبجين عسا ما شر
فردت وقالت لها والله من العذاب اللي فيني
وليش؟ شنو سالفتج؟؟!!
قالتلها اقولج قصتي وبعدين احكمي
كنت متزوجة من زوج ونعم الأزواج يحبني ويحترمني ويعزني
بس كان فيني عيب إني ما اييب اعيال وأنا حاولت بس الله ما رزقني فشرت عليه انه يتزوج ثانيه اهو ما رضى بس أنا ظليت احن واحن الين وافق
فدورتله على المرة وخطبتها له وتم الزواج بس بعد ما تزوجها شبت نار الغيرة بقلبي لأنه اخذ يميل لها وماتمينا فتره إلا والمرأه حامل زادت غيرتي المهم جابت له ولد الزوج استانس وفرح وظليت انا افكر بروحي اشلون انا اللي شرت عليه
في يوم ياني زوجي وقالي بسافر مع مرتي الثانيه وبنخلي الولد عندج
ووافقت طبعا لانه ماكو احد يمسك الولد غيري
سافروا وخلو الولد عندي وكان الوقت شتا وكنت شابه الدوه(فحم)
والولد عمره تقريبا بين السنة وجم شهر واهو يلعب ويطامر جدامي
وانا بقلبي نار تشتعل مثل جمر الدوه اشلون ياخذها ويسافر ولا !!ويخلي الولد عندي الخ من ها لكلام وفجاه الا الولد يمد ايده بيلعب بالفحم اللي با لدوة ومن ناري وغيرتي مسكت ايديه وحطيتها أكثر بالفحم اللين ذابت ايده واهني شلتها بعدها ما يحتاج اقولج اشلون صارت ايد الولد
واهني حسيت إن ناري طفت اشوي نمنا ذيك الليلة إلا ويينا خبر وفاة زوجي مع زوجته وهم في طريق العودة بحادث
وظليت ابروحي عايشه مالي احد غير ربي ومن ثم الولد اللي تشوفينه وصار اكثر من ولدي واعز ويدور راحتي ويرعاني ومالي ظل غيره
واهو اللي يشوف طلباتي وطلبات البيت ومو مقصر معاي بشي
بس أنا كل ما شفت ايده يتقطع قلبي على اللي سويته فيه واهو ينادي بيمه بس لحد الآن ما قلتله إني أنا اللي شوهت ايده
ولازلت اعاني من العذاب وتأنيب الضمير وادعي ربي يغفر لي ذنبي
سبحان الله اشلون حكمة ربج انه صار ها لولد خير لي لولا ها لولد جان أنا حالتي حاله
ويرد اييها الولد واهو خاش ايده ويحب راسها ويسألها ها يمة نروح الحين؟؟؟

وعسى ان تكرهوا شيئا وهو خير لكم



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زائر
زائر



مُساهمةموضوع: رد: وعسى أن تكرهوا شيئاً و هو خيراً لكم   الأربعاء 18 نوفمبر - 23:16

أشكركِ عزيزتي..

قصة مؤثرة جداً

هذه جزاء الإحسان

موفقة لكل خير بحق محمد وآل محمد

تحيااتي..
الرجوع الى أعلى الصفحة اذهب الى الأسفل
Rihana
عضو
عضو
avatar

انثى
العمر : 25
البلد : في نور محمد
نقاط : 30135
تاريخ التسجيل : 21/08/2009

مُساهمةموضوع: رد: وعسى أن تكرهوا شيئاً و هو خيراً لكم   السبت 21 نوفمبر - 18:46

شكرا لمرورك ..عزيزتي

مخملية الورد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
وعسى أن تكرهوا شيئاً و هو خيراً لكم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الكرار :: الديوانية الأدبية :: منتدى قصص وحكايات-
انتقل الى: